هـلا..

كنت أتابع مقطع يوتيوب  ليش لأ؟ . وحصلت جزئية بالمقطع عن “محارب السرطان: حمزة اسكندر”. وقال بالمقطع أنه كل أسبوع راح يسجل مقطع فيديو يتكلم عن ايش صار بأسبوعه.
ولو أن المقطع كمل أكثر من عشر سنوات. الا أنه ألهمني أصير أتكلم عن أسبوعي، وش من أهداف حققتها وش من أهداف “رحّلتها” لوقت ثاني.
عشان كذا، بتكلم عن هالأسبوع. وش قررت فيه ووش سويت من قراراتي؟
هالأسبوع، عرفت عن شيء اسمه  نظـام إدارة المحـتوى . وهو مشابه لـ WordPress . بس المفروض “أنا” أطوره بنفسي.
كانت الفكرة اني أطور نظام إدارة محتوى عشان يكون هو مدونتي، لأن المدونة حاليًا … يدويّه بعض الشيء… والموضوع محرج بالنسبه لي.

وش صار على الهدف؟ #
ما صار شيء. شغّال عليه للآن.
فيه طريقة سهله، وهي اني أدفع $35 وآخذ نظام جاهز ويمكن ما يناسبني ولا يعجبني وأروح أشتري غيره… إلخ.
بس أخلّص من المشاكل المبدئيه فيه. ويكون الموضوع جاهز بشكل عام.
أهداف الأسبوع الجاي: #

أول هدف، بأشتري سيارة.  الهدف كبير، المفروض يكون هدف سنوي مب ينحط بالأسبوع بس صار لي ثلاث سنوات متردد بهالقرار.
أحلّ المشاكل حقت النظام،
أفصّل نظارات. شمسية وطبية.

غالبًا، هذي الأهداف اللي ببالي الحين. الأسبوع الجاي أكيد بأكتب عن أهداف جديده للأسبوع وأشوف وش ترحّل منهم.
وكل أسبوع، بحاول أتعلّم شيء جديد وأكتب عنه في تدوينة الأسبوع. بإذن الله.
شكـــرًا.