ما أدري عن ايش بتكون هذي المدونة، بس سويتها لأني حسيت اني فقدت جذوري في البرمجة.
أبغى أعرّف بنفسي، مع أن هذي المدونة راح تكون خاصة  ماراح أعطي أحد الرابط .
تخرجت بشهادتين، دبلوم وبكالريوس، بعد مسيرة مليئة بالعذاب النفسي في الثانوية (تخرجت بمعدل 68%). الدبلوم كان “برمجيات حاسب آلي”، بعدها فقدت الأمل لفترة اني أتوظف، بس ما طوّلت لين جتني رسالة قبول في البكالريوس بتخصص “هندسة الشبكات 🤔” اللي ما كملت فيه إلّا سنة واحده (مشتركه) مع طلاب هندسة نظم المعلومات.
بعدها، حولت تخصصي الى هندسة نظم معلومات، مع الدفعة اللي بعدي، لأني بطبيعة الحال حذفت السمستر لأني ما نجحت بكل محاولات الرياضيات.
تخرجت من الدبلوم بمعدل 4.04/5.00 والبكالريوس 4.32/5.00 على فكرة
حاليًا، أشتغل كمحلل نظم في شركة متوسطة في السوق السعودي. أحاول أركز بوظيفتي بس ما أبغى أفقد لمستي ✨  البرمجية  ✨
عشان كذا سويت هذي المدونة، بحاول أتكلم عن كل شيء أتعلمه، سواءًا في تحليل النظم أو في البرمجة أو في أي شيء يجي في طريقي.