هـلا..

وش أسوي بحياتي؟ والله ما أدري.
قاعد أحاول أوزن حياتي، بين اللعب، النادي (اللي تركته صارلي سنتين تقريبًا)، الدوام.
من خططي قبل بداية 2025، اني أرتب حياتي. أروح النادي بشكل شبه يومي، لو لثلاث أيام بالأسبوع.
اللعب جدًا أحس أنه شيء مهم في حياتي، لأنه يفصلني شويّ عن ضغط العمل. أو عن الحياة بشكل عام.
قريبًا. يعني إحتمال في بداية ديسمبر. راح أغيّر شقتي. وأبغى آخذ شقه فارغة بنسبة 100%، الأثاث كله أنا أهتم فيه من الصفر. وأخليها تتحكم بيومي بشكل عام.
مكان للعب، مكان للمتابعة، مكان للراحة، مكان للنوم. كلها في غرفة خمسين متر تقريبًا!
أحاول أحصل لنفسي شغف. موضوع مؤرقني لأكثر من مره أتكلم مع أكثر من شخص اني أبغى شيء يحمسني أصحى بكره. أو حتى لو بعد أسبوع. مثل حبّ الكوره عند الناس؟!؟!